நிலவும் நீயும் நானும் – இரண்டாம் பாகம் வெளியீடு – 1 ஜீன் 18 – மாலை 6 மணி – சென்னை

அன்புடையீர்,

வணக்கம்.

இந்த ஆண்டின் துவக்கத்தின் திட்டமிட்டபடி ஜீன் மாதத்திற்கான படைப்பாக “நிலவும் நீயும் நானும்- தொகுப்பு 2” இன்று மாலை 6 மணிக்கு, சென்னையிலிருந்து வெளியிடப்பட்டது என்பதனை மகிழ்ச்சியுடன் பகிர்ந்து கொள்கிறேன்.

இதோ, 96 பக்கங்கள் கொண்ட இபுத்தகத்தை ஆன்லைனில் வாசிப்பதற்கான முகவரி…

நிலவும் நீயும் நானும் – இரண்டாம் பாகத்தை வாசிக்க இங்கே சொடுக்கவும்

நிலவும் நீயும் நானும் – முதல் பாகம் மற்றும் பல தகவல்களுக்கு, இப்புத்தகத்திற்கான சிறப்பு பக்கத்தை பார்க்கவும்.

https://karuveli.wordpress.com/spoint/nilavum-neeyum-naanum/

TN_IN2_1024X529

நாலு சொல்லில் 1&2 பாகம், நிலவும் நீயும் நானும் -1, கண்களை மூடிப் பார் போன்ற நான்கு கவிதைத் தொகுப்புகள், உண்மைச் சம்பவங்களின் அடிப்படையில் எழுதி வெளியிடப்பட்ட என் மரணம் மற்றும் மக்களாட்சியில் என் கடைசிப் பயணம் எனும் இரண்டு கதைகளைத் தொடர்ந்து “நிலவும் நீயும் நானும்- கவிதை தொகுப்பு 2”  உங்களை வந்தடைவதில் உங்களுக்கு நிச்சயம் ஒரு மகிழ்ச்சி இருக்குமென்றே நம்புகிறேன்.

பதிவு செய்யாத வாசகர்கள் நேரடியாக ஆன்லைனில் வாசிக்கவும், பதிவு செய்த வாசகர்களுக்கு பதிவிறக்கம் செய்யவும் வழிவகைகள் செய்யப்பட்டுள்ளது.   வெகுவிரைவில் அனைவரும் பதிவிறக்கம் செய்து கொள்ள ஏற்பாடும் செய்கிறேன்.

இத்தனை சமூகப் பிரச்சனைகளுக்கும் மத்தியில் “நிலவும் நீயும் நானும்” தொகுப்பிற்கான பணிகள் மட்டுமே என்னை சிறிது ஆசுவாசப்படுத்திக் கொள்ள உதவுகின்றன.  ஆனால் அதுவும் நீண்ட காலம் நீடிக்காதென்பதனை இந்த இரண்டாம் பாகத்தில் பல இடங்களில் நீங்கள் உணர்வீர்கள்.

NilavumNeeyumNaanum_2_KaruveliRaSaMahendran

புத்தகத்திற்காக தயாரிக்கப்பட்டுள்ள இன்னொரு அட்டைப்படம் Triple N_2_768X1024

மீண்டும் அடுத்த படைப்புடன் உங்களை சந்திக்கிறேன்.

அன்புடன்

கருவெளி ராச.மகேந்திரன்

 

 

 

 

Advertisements

நமது தகவல்களே நம் உலகம்

இது புது விசயமல்ல.

ஆம், முகநூல் பிரச்சனை  பற்றி சொன்ன போது, ஒரு சமூக செயல்பாட்டாளர் சொன்னார், “போங்க, இதுக்கெல்லாம் போயி, நம்ம கிட்ட அப்படி ஒரு இரகசியமுமில்ல”.   ஒரு சகோதரி சொன்னார். என்ன, இந்திராகாந்தி செத்துட்டாங்களானு? கேட்பது போல் ஒரு பழைய செய்திய வந்து சொல்றீங்க.  இதெல்லாம் எனக்கு ஒரு மாசத்துக்கு முன்னாடியே தெரியும்.  இன்னொரு தோழர் சொன்னார், இதற்காக நீங்க எதுக்கு வெளியேறனும்?, “நான் நல்ல காரியங்களுக்கு மட்டும் பயன்படுத்துகிறேன்” என்றார் இன்னொரு தோழர்.

கடந்து எட்டு ஆண்டுகளுக்கு மேலாக சைபர் கிரைம் மற்றும் அது குறித்த விழிப்புணர்வுகளுக்காக பல்வேறு தகவல்களை படிக்கவும், பல பிரச்சனைகளை நேரடியாக சந்திக்கவும், அதற்கு தீர்வு கிடைக்க வழியின்றி விழிபிதுங்கி நிற்கவும் செய்திருக்கிறேன்.  கடந்த 15 ஆண்டுகளுக்கு மேலாக அலுவலகங்களில் தினமும் பல லட்சம் தகவல்களை (data) பணி நிமித்தமாக பயன்படுத்தும் வாய்ப்பை பெற்று உள்ளேன். அதை வைத்துக் கொண்டு என்ன செய்ய இயலுமென எனக்கும் கொஞ்சம் தெரியத்தான் செய்யும்.

1990ல் பள்ளிக்காலங்களில் ஊரு உயர்ந்திட அனைவரின் தகவல்களும் ஓரிடத்தில் இருந்தால் எப்படி இருக்குமென கனவுகளும் கண்டிருக்கிறேன்.   அந்தக் கனவுக்கு முக்கியக் காரணம், ஒரு பள்ளியின் தலைமையாசிரியர் மகன் அதே பள்ளியிலிருந்து கல்வி உதவித் தொகை பெறுகிறான் அதுவும் வறுமைக் கோட்டிற்கு கீழிருப்பதாக வருமான வரிச் சான்றிதழ் கொடுத்து.  இதைத் தடுக்க அத்தகைய தகவல்கள் ஒருங்கிணைப்பு தேவையென கனவு கண்டிருக்கிறேன்.  ஒருங்கிணைக்கப்பட்ட தகவல்கள் அந்த ஊரின் வளர்ச்சிக்கு திட்டமிட உதவுமென நம்பியிருக்கிறேன்.  ஏறக்குறைய 25 ஆண்டுகளுக்கு பிறகு டிஜிட்டல் இந்தியா என்ற செய்தியைக் கேட்ட பொழுது அதனை நம்பி ஆதரவும் தந்திருக்கிறேன். அதனால் மிகவும் கீழ்த்தரமாக ஏமாற்றப்பட்டுக் கொண்டும் இருக்கிறேன்.

நம்மிடம் இருக்கும் சாதனங்களும், தொழில் நுட்பமும் மட்டும் நம்மை வளர்ச்சிப் பாதைக்கு கொண்டு செல்வதில்லை, அதனை அழிவுகளின்றி, அனைத்து உயிரினங்களுக்கும் பாதகமின்றி செயல் முறை படுத்த வேண்டுமென்ற நல்லெண்ணம் படைத்த உள்ளங்கள் மிக மிக அவசியம் என்பது அத்தனையிலும் மிக முக்கியம்.   அந்த உள்ளம் இல்லாமல் இருப்பதே மனித குலத்தின் மிகப்பெரிய சாபக்கேடு என்பதை வரலாறு பதிவுகளாக்கி போயிருக்கிறது.   அதில் முகநூலும் ஒரு முக்கியப் பக்கத்தை பிடித்து விட்டதென்பதே எனது தனிப்பட்ட கருத்து.   அது மனித குலத்தின் கருப்பு பக்கமாகி விட்டதென்பது மிகவும் வருத்தமளிக்கக் கூடியதே.  அமெரிக்காவில், அதுவும் அமெரிக்க மக்களுக்கு நிகழ்ந்ததால் மட்டுமே அதுவும் வெளியே வந்திருக்கிறது.   வெளிவராத பல நாட்டு தேர்தல் மாற்றங்கள், மக்கள் படுகொலைகள், புரட்சி நாடகங்கள், பல விசயங்கள் கருப்புக்குள் ஒளிந்து கொண்டு வெளியே ஒளிர்ந்து கொண்டிருக்கத்தான் செய்கிறது என்பதனை நான் முழுவதுமாக நம்புகிறேன்.

இத்தகைய வரலாற்றைக் கொண்ட இந்த வையகத்தில், மக்கள் பலருக்கும் இப்படி ஒரு எண்ணம் தோன்றி பொதுவாகி விட்டது “எல்லோரும் தப்பு பண்ணிக்கிட்டே தான் இருக்காங்க”  அதுக்காக நாம் தனி ஆளாக என்ன செய்ய இயலும்?   இந்தக் கேள்வியை அப்படியே வைத்திருங்கள்.  கல்லறையில் நம்மோடு புதைத்துக் கொள்ள உதவும்.

ஆனால், ஒரு தனிமனிதனின் தகவல்களை பயன்படுத்தி என்னென்ன செய்தார்கள் என்பதனை “கேம்பிரிட்ஸ் அனால்டிகா” கம்பெனியின் முக்கிய பொறுப்பாளரான திரு.கிறிஸ்டோபர் வொய்லி வாக்குமூலம் மற்றும் முகநூலின் இணை நிறுவனர் மற்றும் தலைமை நிர்வாக அதிகாரியான திரு. மார்க் ஜுக்கர்பெர்க்கின் பதில்களையும் கவனித்து கேளுங்கள்.   அதற்குப் பிறகும் இந்த உலகத்தில் சமூக ஊடகங்களில் இல்லாமல் உங்களால் வாழ முடியாதென நினைத்தால் தொடர்ந்து பயன்படுத்துங்கள்.

மார்க் ஜூக்கர்பெர்க்கின் சாட்சியம்  

 நீங்கள் வெறும் பொழுது போக்காளர் என்றால் உங்களால் இந்த 6 மணி நேரத்தை ஒதுக்குவது மிகக் கடினம், அப்படிப்பட்டவர்களுக்கு எளிதாக விளக்கும் மூன்றாவது vox தள முகவரி மிகவும் உதவும்.

https://www.vox.com/policy-and-politics/2018/3/23/17151916/facebook-cambridge-analytica-trump-diagram

கிறிஸ்டோபர் வொய்லி சாட்சியம்

மிகவும் சுருக்கமாக..

இன்னும் இதுபற்றிய பல தகவல்கள் உள்ளன, நேரம் கிடைத்தால் தேடிப் படியுங்கள், பாருங்கள்.

 தனிப்பட்ட ஒருவன்  சமூக ஊடகங்களை விட்டு வெளியேறுவது என்பது முக்கியமாக முகநூல்,டிவிட்டர்,வாட்ச் அப் மற்றும் இன்ஸ்ட்டாகிராம் தளங்களில் இருந்து வெளியேறுவது என்பது சமூக வளை தளங்களுக்கு பெரிய பாதிப்பை ஏற்படுத்தாது என்பதை உங்களைப் போல் நானும் அறிவேன்.   ஆனாலும் பெரும் மன நிம்மதியையும் அநீதிக்கு எதிரான எனது எதிர்ப்பை பதிவு செய்த திருப்தியும் எனக்கிருக்கிறது.

வருங்காலம் வெறும் 0, 1 ஆக மாறும் என்பதில் எந்த மாற்றுக் கருத்துமில்லை.  அதை யாராலும் தடுக்க இயலாதென்பதும் உண்மை தான்.  அதே உலகில் அதனை விட்டு விலகி வாழ முடியுமென்பதும் சாத்தியமே.  இதுவரை பொதுவெளியில், சமூக ஊடகங்களின் வாயிலாக, என் முகமறியாமல், என் குணமறியாமல், என்னோடு உறவாயிருந்த அனைவருக்கும் எனது மனமார்ந்த நன்றிகள்.   களமாடிய தோழர்களுக்கும், தோழிகளுக்கும் என் வாழ்த்துக்கள்.

என் கருத்துக்களிலிருந்து நீங்கள் வேறுபடலாம் அது உங்களின் உரிமை.  அதை மதிப்பது எப்போதும் எனது கடமை.   இனி பலரையும் நேரில் சந்திக்கும் வாய்ப்பு கிடைக்குமென நம்புகிறேன்.  

அன்புடன்

கருவெளி ராச.மகேந்திரன்.

“அவர்கள் அடிமையாக்கத் துடித்தால், என் உதிரம் ஒரு போதும் அதற்கு அடங்கி உறையாது”

 

காணொளிகள், தகவல்கள் நன்றி : உரிமையாளர்கள் மற்றும் யூடியூப் சேனல்

என் வீட்டில் மட்டும் வீசுங்கள் குண்டுகளை

இப்பூமியில் இதுவரை உருவான உயிரினங்களில் தன்னை உச்சமென சொல்லிக் கொள்ளும் மனித இனம் உண்மையில் தன் அகோர முகங்களை மறைக்க முடியாமல் போதைகளில் தள்ளாடிக் கொண்டிருக்கிறது.  வரலாற்றை மாற்றி எழுதி எழுதி தப்பிக்க முயல்கிறது.  ஆனாலும் தோற்று அம்மணமாய் மானமில்லாமல் நிற்கிறது.  மனிதனாய் பிறந்ததற்காக வெட்கி தலைகுனிந்து வாழ்கிறேன் நித்தம் !

2018030201

 

 

 

 

வாசகர் விருப்பம் – வெற்றி

வாசகர் விருப்பத்திற்கு எழுதுவது எப்போதுமே ஒரு வித்தியாசமான அனுபவம் தான்…  இதோ கடந்த ஞாயிறன்று வாசகர் விருப்பப் பகுதியில் சில மாதங்களுக்கு முன் எழுத்துக்களின் வாயிலாக அறிமுகமான தம்பி வினோத் குமார் அவர்கள் பல தலைப்புகளை கேட்டு ஆச்சர்யப்படுத்தி விட்டார்.  அவர் கேட்டிருந்த தலைப்புகளில் ஒன்று இது தான்.  இந்த வரிகள் அவரை வெற்றி குறித்து இன்னொரு கோணத்தில் யோசிக்க வைக்குமென்றே நம்புகிறேன்.

விரும்பிக் கேட்டிருந்த வாசகர் – வினோத்குமார்

இதை வாசித்து விட்டு அவர் என்ன யோசிப்பாரென உங்களால் கணிக்க முடிகிறதா?

உங்களுக்குப் பிடித்த தலைப்புகளை பகிர்ந்து கொள்ளுங்கள்…

வாசகர் விருப்பப் பகுதிக்கான பதிவுப்படிவம்

2018021001

 

வாசகர் விருப்பம் – தன்மானம்

வாசகர் விருப்பத்திற்கு எழுதுவது எப்போதுமே ஒரு வித்தியாசமான அனுபவம் தான்…  இதோ கடந்த ஞாயிறன்று வாசகர் விருப்பப் பகுதியில் சில மாதங்களுக்கு முன் எழுத்துக்களின் வாயிலாக அறிமுகமான தம்பி வினோத் குமார் அவர்கள் பல தலைப்புகளை கேட்டு ஆச்சர்யப்படுத்தி விட்டார்.  அவர் கேட்டிருந்த தலைப்புகளில் ஒன்று இது தான்.  இந்த வரிகள் அவரை தன்மானம் குறித்து இன்னொரு கோணத்தில் யோசிக்க வைக்குமென்றே நம்புகிறேன்.

விரும்பிக் கேட்டிருந்த வாசகர் – வினோத்குமார்

இதை வாசித்து விட்டு அவர் என்ன யோசிப்பாரென உங்களால் கணிக்க முடிகிறதா?

உங்களுக்குப் பிடித்த தலைப்புகளை பகிர்ந்து கொள்ளுங்கள்…

வாசகர் விருப்பப் பகுதிக்கான பதிவுப்படிவம்

2018021003