நிலவும் நிலாவும் கலைஞனும்

“நிலவும் நீயும் நானும்” இரண்டாம் பாகத்திற்காக எழுதிக்கொண்டிருக்கும் இத்தருணத்தில் என் சகோதரி இன்று காலை (14-11-17) குழந்தைகள் தினத்திற்கான வாழ்த்துகளை பகிர்ந்து கொண்டார்.  அதன் தொடர்ச்சியாகப் பிறந்ததே இந்த “நிலவும் நிலாவும் கலைஞனும்”. அவருக்கு எனது நன்றியுடன் இதோ.. உங்களுக்காக அவ்வரிகள்.. பதிவிறக்கம் செய்ய.. படிக்க., பகிர்ந்து கொள்ள

https://goo.gl/GHEka1

அல்லது..

https://app.box.com/s/pdynnnrggudqxzj4permznd8n8rs76ny

நிலவும் நிலாவும் கலைஞனும் – ஆடியோ

 

Advertisements

மழை மேகமே வா.. வா..[பள்ளிக்குழந்தைகளுக்கான பாடல்]

இயற்கையோடும் மண்ணோடும் வளர்ந்த நமக்குள், நமக்கும் நம் மண்ணுக்கும் மக்களுக்குமான வாழ்வை பதிவு செய்வதில் பள்ளிப் பருவம் பெரும் பங்கு வகிக்கிறது.  அவ்வகையில் எனது பள்ளி ஆசிரியைகள், ஆசிரியர்கள் அனைவருக்கும் எனது சிரம் தாழ்ந்த வணக்கங்களையும் நன்றிகளையும் சொல்லிக் கொள்கிறேன்!

இதோ… நம் நிலை சொல்லும் இந்தப் பாடலை பள்ளி மாணவ மாணவியருக்கு சமர்ப்பிக்கிறேன், எனது ஆசிரியப்பெருமக்களின் ஆசியுடன்.

தனது பள்ளி மாணவியின் புகைப்படம் வழங்கி உதவிய அரசுப்பள்ளி ஆசிரியர் திரு. விஜயராஜ் அவர்களுக்கு என் மனமார்ந்த நன்றிகள்.

அன்புடன்

கருவெளி ராச.மகேந்திரன்

2017103002

வருமோ? [வடகிழக்கு பருவமழைக்காக]

கவிஞர்களும் படைப்பாளிகளும் தங்கள் உணர்வுகளை பதிவு செய்து போவது தான் வரலாற்றை அறிய பல கோணங்களை நமக்கு தந்து போகிறது போலும்.

சில சமயங்களில் நான் யோசிப்பதுண்டு, நமக்கு ஏன் இதனை பதிவு செய்ய வேண்டும் அல்லது எழுத வேண்டுமென்று தோன்றுகிறது?  பதில் கிடைப்பதே இல்லை.  புற உலகிலிருந்து தள்ளி இருந்தாலும் இது நிகழ்ந்து கொண்டே தான் இருக்கிறது.  இதோ.. வானம் கருத்ததும்..  கருத்தரித்த சில வார்த்தைக் கோர்வைகள்..

கவி என்றால் பொய்யென்று என் மனம் ஒரு போதும் ஒப்புக் கொண்டதே இல்லை.. அது மண்ணையும், மக்களையும் அவர்தம் வாழ்வையும் பதிவு செய்யவே.  அப்படி செய்யவில்லை என்றால், அது எத்தனை சிறந்ததாய் இருந்தாலும் எனக்கு வேண்டாம்.

2017102802

வார்த்தைகளில்..

நான் வாழ்கிறேன்.. வாழ்வேன்..

2017102301

வாசகர் விருப்பம் [கிருஷ்ணன்] :பார்த்திருப்போம்

புகைப்படக்காரர்கள் மேல் எப்போதும் எனக்கொரு தனி அன்பிருக்கத்தான் செய்கிறது.  அது காலத்தின் மேல் உள்ள காதலால் கூட இருக்கலாம்.  யாராலும் வெல்ல முடியாத காலத்தை அவர்கள் மட்டும் நிறுத்தி வைத்து எதிர்காலத்திற்கும் எடுத்துச் செல்வதால் கூட இருக்கலாம்.  அந்த வகையில் தம்பி கிருஷ்ணன், தான் எடுத்த புகைப்படம் ஒன்றை அனுப்பி வார்த்தைக் கோர்வைகளைக் கேட்டிருந்தார். ஆச்சர்யங்கள் நிறைந்ததே வாழ்க்கை, ஆம், வார்த்தைகளால் சொல்லமுடியாததையும் சொல்லும் ஒரு படத்திற்கு நாம் ஒன்றை மட்டுமே சொல்லிவிட முடியுமா என்ன?  படம் பார்த்ததும் தோன்றிய வார்த்தை கோர்வைகளில் ஒன்று உங்களுக்காக.  மற்றவைகளையும் விரைவில் பகிர்ந்து கொள்கிறேன்.  இந்தப் படம் தொடர்ந்து கதை சொல்லிக் கொண்டே இருக்கும் எனக்கு.  ஆகையால் புதிய வார்த்தை கோர்வைகள் பிறப்பதையும் நானே நினைத்தாலும் தடுக்கவோ.. தவிர்க்கவோ இயலாது.

இச்சமயத்தில் அவர் புகைப்பட்த்திற்கு எழுதும் வாய்ப்பளித்த தம்பி கிருஷ்ணனுக்கு என் நன்றிகள்.  அவரது ஒளியாளுமை தொடரட்டும்.

அன்புடன்

2017101301